सुर्खेत । सुर्खेतमा लागूऔषध सहित तीन जना पक्राउ परेका छन् । सयुक्त प्रहरीको टोलीले वीरेन्द्रनगरका छुट्टाछुट्टै स्थानबाट लागूऔषध सहित उनीहरुलाई पक्राउ गरेको हो ।

वीरेन्द्रनगर नगरपालिका १० बसपार्कबाट शुक्रबार कर्णाली प्रदेश प्रहरी कार्यालय सुर्खेत, लागूऔषध नियन्त्रण व्युरो शाखा सुर्खेत र जिल्ला प्रहरी कार्यालय सुर्खेतबाट सादा पोसाकमा खटिएका संयुक्त प्रहरी टोलिले गोप्य सुचनाको आधारमा वीरेन्द्रनगर नगरपालिका १० बस्ने बर्ष २२ को रहिस कबडियालाई शंकास्पद रुपमा फेलापारी खानतलासी गर्दा निजको साथबाट प्लाष्टिक सहित २ ग्राम ४० मिलिग्राम र शुद्द १ ग्राम ७३० मिलिग्राम लागूऔषध ब्राउन सुगर जस्तो देखिने खैरो धुलो पदार्थ र २ लाख २२ हजार ८ सय ६५ नगद बरामद गरी रहिस कबडियालाई समेत नियन्त्रणमा लिई अनुसन्धान कार्य भईरहेको । जिल्ला प्रहरी कार्यालय सुर्खेतका डिएसपी सुरज कार्कीले बताए ।

यस्तै, शुक्रबार वीरेन्द्रनगर नगरपालिका ७ फुलबारी टोल बस्ने बर्ष २९ को प्रेम दमाई र बर्ष २७ को सुनिल थापालाई शंकास्पद रुपमा फेलापारी खानतलासी गर्दा निजहरुको साथबाट झिलझिले कागज सहित २२० मिलिग्राम र शुद्द ११० मिलिग्राम लागूऔषध ब्राउन सुगर जस्तो देखिने खैरो धुलो पदार्थ र नगद रु एक लाख एक हजार नियन्त्रणमा लिएर उनीहरुलाई नियन्त्रणमा लिई जिल्ला प्रहरी कार्यालयमा ल्याई अनुसन्धान भैरहेको डिएसपी कार्कीले बताए ।