फाइल तस्बिर : कर्णाली मिडिया
सुर्खेत, २३ माघ । वीरेन्द्रनगर नगरपलिका सुर्खेतमा मेयर कप फुटबल आजबाट संचालन हुने भएको छ ।
माघ २३ गतेबाट २५ गतेसम्म संचालन हुने मेयर कप पुरुष फुटबलमा वीरेन्द्रनगरका १६ वडाका १६ टिमको सहभागिता रहने नगरपालिकाले जनाएको छ । मेयर कप संचालन तथा व्यवस्थापनका लागि जिल्ला फुटबल संघ सुर्खेतका सदस्य गोर्वधन खड्काको संयोजकत्त्वमा ७ सदस्यीय समिती गठन पनि गरिएको छ ।
मेयर कप वीरेन्द्रनगर ५ मा रहेको चिसापानी खेल मैदानमा हुनेछ । यो प्रतियोगितालाई लिएर बिभिन्न विवादहरु पनि आएका थिए । जिल्ला फुटबल संघसँग समन्वय नै नगरी मेयर कप फुटबल प्रदेश फुटबल संघले गर्न लागेको भन्दै यसअघि मेयर कप विवादित बनेको थियो ।
संवाददाता । सोमबार, माघ २३, २०७९ मा प्रकाशित