सुर्खेत । सुर्खेतमा होली विशेष कार्यक्रम हुने भएको छ । हाम्रो कर्णाली युवा क्लबले फागु पूणिमाको अवसरमा होली विशेष कार्यक्रम गर्न लागेको हो ।
गौशाला निमार्ण कार्यमा सहयोग गर्ने उदेश्यले फागुन २२ गते वीरेन्द्रनगरको खुल्ला मन्चमा विभिन्न राष्ट्रिय तथा स्थानीय कलाकारहरुको प्रस्तुति सहितको होली विशेष कार्यक्रम गर्ने सोमबार पत्रकार सम्मेलन गर्दै आयोजकले जानकारी दिएको छ । कार्यक्रममा चर्चित गायक अनिल सिंहको विशेष प्रस्तुति रहने हाम्रो कर्णाली युवा क्लबका सचिव बबिन पोखरेलले जानकारी दिए । उनका अनुसार कार्यक्रमबाट फाइदा भएको रकमको २० प्रतिशत रकम गौशाला निमार्णका लागि वीरेन्द्रनगर नगरपालिकालाई प्रदान गरिने पनि बताए ।
कलाकारहरुको सांगितिक प्रस्तुति संगै घैटो फुटाल्ने कार्यक्रम समेत रहने होली विशेष कार्यक्रममा प्रवेश शल्क सर्वसाधारणलाई ५ सय र विद्यार्थीलाई २ सय ५० रुपैयाँ रहेको आयोजकले जनाएको छ । कार्यक्रम फागुन २२ गते विहान ११ बजेबाट खुल्ला मन्चमा सुरु हुनेछ ।
संवाददाता । सोमबार, फागुन १५, २०७९ मा प्रकाशित