दैलेख । दैलेखमा सवारी दुर्घटना हुँदा एकजनाको मृत्यु भएको छ । जिल्लाको नौमुले गोरुपानीमा ट्याक्टर दुर्घटना हुँदा एकजनाको मृत्यु भएको हो ।
शुक्रबार राती ८ बजेको समयमा अन्दाजी ३५ बर्षिया चालकले चलाएको ना.७ त.४४७७ नम्बरको ट्याक्टर सडकबाट अन्दाजी २०० मिटर तल भिरमा खस्न गई दुर्घटना भएको जिल्ला प्रहरी कार्यालय दैलेखले जनाएको छ । दुर्घटनामा मृत्यु भएका चालकको शुक्रबार पहिचान नखुलेको र शनिबार पहिचान खुलेर मृतक नौमुले गाउँपालिका ३ द्दारी बस्ने बर्ष २८ को शशिराम पुन मगर भएको जानकारी प्रहरीले दिएको छ ।
हाल घटना स्थलको परारम्भिक कार्य पुरा गरी लास पोष्टमाटमको लागि जिल्ला अस्पताल दैलेखमा लगिएको छ ।
संवाददाता । शनिबार, फागुन २७, २०७९ मा प्रकाशित