अहिले सोसल मिडियामा एउटा गित चर्चामा छ । टिकटक, इन्स्टाग्राम, फेसबुक रिल्सदेखि युट्युबमा गीत चर्चित छ । जुन गित हो ।
गाजल त्यो तिम्रो मेटाइदेऊ न
तिम्रो आँखाको रङ हेर्न मन छ
बाँधेको केस फुकाइदेऊ न
हावाले उडाको मन पर्छ
नढाक न मुहार शृङ्गारले
नढाक न मुहार शृङ्गारले
चन्द्रमामा पनि दाग हुन्छ
चन्द्रमामा पनि दाग हुन्छ
‘जे छौं तिमी’ शीर्षकको यो गीत १० दिनअघि युट्युबमा सार्वजनिक गरिएको हो । गीतमा लाखौं टिकटक भिडियो बनेका छन् । छोटो समयमै गीतको भिडियोलाई ६० लाख बढी पटक हेरिएको छ । युट्युबमा संगीततर्फ ट्रेन्डिङको पहिलो नम्बरमा छ गीत ।
स्वप्न सुमनको शब्द रचना रहेको यो गीत उनले समीर श्रेष्ठसँग गाएका छन् ।
फरक जनराको संगीतमा रुचाइएका दुई चर्चित व्यक्ति स्वप्न सुमन र समीर श्रेष्ठलाई संगै सुन्न र देख्न पाउँदा स्रोता दर्शकहरुले खुशी लागेको बताएका छन् । भिडियोमा यी दुवै फिचर्ड छन् । नयन राईको निर्देशन एवं छायांकन रहेको भिडियोमा अशोक अधिकारीको भिएफएक्स एवं सम्पादन छ ।
स्वप्न सुमनको अफिसियल युट्युब च्यानलमा गीत सुन्न र हेर्न सकिन्छ ।
संवाददाता । बुधबार, चैत २२, २०७९ मा प्रकाशित