डेढ दशकभन्दा लामो समयदेखि सांगीतिक क्षेत्रमा सक्रिय गायक तथा संगीतकार चेतन राईले आफ्नो चौथो एकल एल्बम सार्वजनिक गरेका छन् ।
हालै गायक राईको गृह जिल्ला सल्यानमा आयोजित एक विशेष समारोहमा उनको चौथो एकल एल्बम ‘स्टेज’ विमोचन गरिएको छ । खलंगामा आयोजित समारोहमा शारदा नगरपालिकाका प्रमुख प्रकाश भण्डारीले गायक राईको उक्त एल्बम विमोचन गरेका हुन् ।
यो एल्बममा आधुनिक शैलीका आधा दर्जन गीतहरु समावेश गरिएको गायक राईले बताएका छन् । एल्बममा सल्यानको पर्यटनलाई प्रवर्द्दनगर्ने शैलीको गीत पनि समावेश छ भने एउटा राष्ट्रिय गीत पनि समावेश गरिएको गायक राईले बताएका छन् ।
समारोहमा उक्त एल्बममा समावेश सल्यानको पर्यटनलाई टेवा पुर्याउने उद्देश्यले तयार पारिएको गीत ‘कुपिण्डे तालैमा…’ को म्युजिक भिडियो प्रिमियर गरियो । शारदा नगरपालिका वडा नम्बर २ का वडाअध्यक्ष सविन हमालले ‘कुपिण्डे तालैमा’ गीतको म्युजिक भिडियो प्रिमियर गरेका थिए ।
https://youtu.be/Ijlb6aD6WQ0
संवाददाता । शुक्रबार, बैशाख २२, २०८० मा प्रकाशित