थ्री स्टार रिसर्च एण्ड प्रोडक्सन हाउस प्रालिद्वारा सञ्चालित कर्णाली मिडिया डट्कम (karnalimedia.com) आजदेखि दोस्रो वर्षमा प्रवेश गरेको छ । यस अवसरमा हामी सबैभन्दा पहिला देश तथा विदेशमा रहनुहुने तपाईं आम पाठकप्रति शीर झुकाउन चाहन्छौं । कर्णाली मिडियाप्रती तपाईंहरूले दर्शाएको माया हाम्रो उपस्थिति र निरन्तरताको प्रमुख कारण हो ।

आमपाठकसँगै हामीलाई सहयोग गर्नुहुने विभिन्न दाता र विज्ञापनदाता विशेष धन्यवादका पात्र हुनुहुन्छ, जसले एक बर्षदेखी निरन्तर हामीलाई साथ दिनुभएको छ । तपाईंहरूको सहयोगले हामीलाई थप उर्जा पैदा गरेको छ । लेखक, स्तम्भकार र तमाम शुभचिन्तकप्रति हामी उत्तिकै आभारी छौं ।

२०७९ जेठ १५ गते कर्णाली मिडिया डट्कम पाठकसामु ल्याउँदा हामीले सत्य, तथ्य, निष्पक्ष र विश्वसनीय सामग्री पस्कने संकल्प गरेका थियौं । त्यसप्रति हामी इमान्दार छौं, रहिरहनेछौं । पाठकहरूको रचनात्मक प्रतिक्रिया र निरन्तरको खबरदारी हाम्रो लागि मार्गदर्शन हुनेछ ।

बितेको एक बर्षको अबधिमा कर्णाली मिडिया डट्कमले सत्य, तथ्य, निष्पक्ष समाचार पोर्टलमा पृथक पहिचान बनाउन सफल भएको छ । छोटो समयमा नै पाठकहरुले हामीहरुप्रती देखाएको माया नै आज हाम्रो गौरबमय पहिलो बर्ष सम्पन्न हुनुको मुख्य कारण हो । कर्णाली मिडियाका सामाग्रीहरु हाल दैनिक धेरै संख्यामा तपाईहरुले माया गर्दै आउनुभएको छ । यसप्रति सधै कर्णाली मिडिया परिवार आभारी छ ।

आदरणीय पाठक,

विश्वसनीय सामग्री छिटो र प्रभावकारी ढंगले सम्प्रेषण गर्नुसँगै अबको हाम्रो मुख्य ध्यान कर्णाली मिडिया डटकमको सञ्जाललाई विस्तार गर्नेमा केन्द्रित हुनेछ ।विभिन्न माध्यमबाट हामीलाई शहर, गाउँ, बस्ती र सबै नेपाली माझ पुर्याउने अभियानमा अहोरात्र खट्नेछौं । पाठकहरुबाट प्राप्त रचनात्मक सल्लाह, सुझाबलाई मनन गर्दै आफुलाई परिमार्जन र परिस्कृत गर्दै जानेछौ । समाचारको अबको हाम्रो उद्देश्यमा विगतमा जस्तै तपाईं पाठकहरूबाट रचनात्मक सहयोगको अपेक्षा गर्दछौं ।