सुर्खेत । वीरेन्द्रनगरमा गएराती भएको मोटरसाईकल दुर्घटना परि २ जनाको मृत्यु भएको छ । मृत्यु हुनेमा मोटरसाईकल चालक महावै गाउँपालिका–७ का २३ बर्षिया कृष्ण शाही र शुभकालिका गाउँपालिका– ३ का बिमोचन विष्ट रहेका छन् ।
गएराती करिब १० बजेतिर कर्णाली प्रदेश ०२००२ प १९७७ नम्बरको मोटरसाईकल अनियन्त्रित भएर वीरेन्द्रनगर नगरपालिकाको भुरेली नजिक दुर्घटना भएको थियो । दुर्घटनामा गम्भिर घाइते भएका उनीहरुको उपचारका क्रममा कर्णाली प्रदेश अस्पतालमा मृत्यु भएको प्रहरीले जनाएको छ । मोटरसाइकलमै सवार खाँडाचक्र नगरपालिका–५ कालिकोटका १९ वर्षीय प्रकाश कठायत घाइते छन् । उनी उपचारपछि डिस्चार्ज भइसकेको प्रहरीले जनाएको छ ।
मोटसाईकलमा ३ जना सवार थिए । मोटरसाईकल भुरेलीबाट बजारतीर आउँदै गर्दा अनियन्त्रित भएर पोलमा ठोक्किएको थियो ।
संवाददाता । शुक्रबार, साउन १९, २०८० मा प्रकाशित