सुर्खेत । ५७ औं अन्तर्राष्ट्रिय साक्षरता दिवसको अवसरमा सुर्खेतको विद्याज्योति निकेतनद्वारा आयोजित अन्तर विद्यालय वक्तृत्वकला प्रतियोगिता सम्पन्न भएको छ ।
शुक्रबार सम्पन्न वक्तृत्वकला प्रतियोगितामा प्रथम विद्याज्योति निकेतन सुर्खेत, द्वितीय एसओएस हर्मन माइनर सुर्खेत, तृतीय जन मावि सुर्खेत र सेडा स्कुल सुर्खेत र सान्त्वना सिद्धपाइला स्कुल सुर्खेत, हार्भेटमुन सुर्खेतका विद्यार्थी भएका छन् ।
विद्याज्योति निकेतनद्वारा आयोजित वक्तृत्वकला प्रतियोगितामा प्रमुख अतिथि नगर शिक्षा प्रमुख धिरेन्द्र प्रसाद शर्मा, विशेष अतिथि प्याब्सन सुर्खेतका अध्यक्ष दल बहादुर गुरुङ, निर्णायकहरु मध्यपश्चिम विश्वविद्यालयका अंग्रेजी विषयका उप-प्राध्यापक बिष्णु खडका, विमल नेपाल र चित्र केसि र विभिन्न विद्यालयका शिक्षकहरुको सहभागिता रहेको थियो ।
संवाददाता । शुक्रबार, भदौ २२, २०८० मा प्रकाशित