सुर्खेत । नेकपा एमालेको प्रथम कर्णाली प्रदेश अधिवेशनको उद्घाटन गर्न नेकपा एमालेका अध्यक्ष केपी शर्मा ओली सुर्खेत आउँने भएका छन् ।
यही असोज १० र ११ गते कर्णाली प्रदेशको राजधानी वीरेन्द्रनगर सुर्खेतको सिटी हलमा हुने नेकपा एमालेको प्रथम कर्णाली प्रदेश अधिवेशनको लागि अध्यक्ष ओली बुधबार सुर्खेत आउँने भएका छन् । यस्तै उद्घाटन कार्यक्रममा अध्यक्ष ओली सहित महासचिव शंकर पोखरेल, सचिव तथा कर्णाली प्रदेश इन्चार्ज लेखराज भट्ट लगायतका नेताहरुको पनि सहभागिता रहनेछ ।
नेकपा एमालेको प्रथम कर्णाली प्रदेश अधिवेशनको लागि दश जिल्लाबाट कुल ५५० जना प्रतिनिधी छनोट भएका छन् । यस्तै प्रदेशका विभिन्न जनसंगठनबाट ५० जना प्रतिनिधि समेत छानिएका छन् । यो संगै नेकपा एमालेको प्रथम कर्णाली प्रदेश अधिवेशनमा ६ सय जना प्रतिनिधिहरुको सहभागिता रहनेछ ।
संवाददाता । सोमबार, असोज ०८, २०८० मा प्रकाशित