सुर्खेत । वीरेन्द्रनगरमा मोटरसाइकलको ठक्करबाट पाँच बर्षिया बालकको मृत्यु भएको छ । यरिचोक–मुलपानी खण्डको गोकुल कटेज नजिकै मोटरसाइकलले ठक्कर दिँदा बालकको मृत्यु भएको हो ।
मोटरसाइकलको ठक्करबाट मृत्यु हुने बालक दैलेखको आठविस नगरपालिकाको खिड्कीज्यूला स्थायी घर भएका पाँच वर्षीय टुकदर्शन गिरीको रहेको प्रहरीले जनाएको छ । दुर्घटनामा गम्भीर घाइते भएका उनको उपचारको क्रममा कर्णाली कियर अस्पतालमा मृत्यु भएको हो ।
दुर्घटनापछि मोटरसाइकल चालक फरार रहेका छन् । अहिले आफन्तहरुले वीरेन्द्रनगरको मुख्य सडक अवरुद्ध गरेर आन्दोलन गरिरहेका छन् ।
संवाददाता । शनिबार, असोज १३, २०८० मा प्रकाशित