सुर्खेत । सुर्खेतको वीरेन्द्रनगरमा संचालनमा रहेको द कर्णाली सुपरमार्ट र टिके मार्टको बम्पर उपहारमा वीरेन्द्रनगर २ का हिरालाल बुढाले विजेता भएर आइफोन १४ प्रो म्याक्स प्राप्त गरेका छन् । मार्टको तेस्रो सपिङ फेस्टिबलमा लक्की ड्र मार्फत हिरालाल बुढा विजेता भएका हुन ।

सुर्खेतको वीरेन्द्रनगर नगरपालिका वडा नम्बर ६ मा रहेको द कर्णाली सुपरमार्ट र वीरेन्द्रनगर २ मा रहेको टिके मार्टमा ग्राहकहरुले विभिन्न सामान खरिद गरेबापत टोकन प्राप्त गर्ने र सोही टोकनबाट सार्वजनिक कार्यक्रममा लक्की ड्र मार्फत निकालिएको टोकनमा नाम पर्न सफल भाग्यमानी ग्राहकलाई मार्टले आइफोन १४ प्रो म्याक्स प्रदान गरेको टिके मार्टका संचालक तेजेन्द्र कार्कीले जानकारी दिएका छन् । आज भएको मार्टको तेस्रो सपिङ फेस्टिबलमा वीरेन्द्रनगर २ का वडाअध्यक्ष गज बहादुर बुढाले झण्डै ५० हजार टोकनबाट एक टोकन निकाल्दा त्यसमा हिरालाल बुढाको नाम परेको थियो ।

यस्तै मार्टले अन्य मासिक प्रथम, मासिक द्वितिय र मासिक तेस्रो गरी तीन जना भाग्यशाली ग्राहकलाई समेत विभिन्न गिफ्ट सहितको उपहार प्रदान गरेको छ ।

लक्की ड्र मा नाम आएका ग्राहकहरुले सामान खरिद गर्दाको टोकन र परिचय खुल्ने प्रमाणपत्र सहित सात दिनभित्र सम्पर्क गर्न पनि टिके मार्ट जनाएको छ । सपिङ फेस्टिबलमा विभिन्न सांगितिक कार्यक्रमहरु पनि गरिएको थियो ।

प्रत्येक बर्ष मार्टले सपिङ फेस्टिबल गर्दैै आएको छ । अघिल्लो बर्षको सपिङ फेस्टिबलमा वीरेन्द्रनगर नगरपालिका वडा नं ३ निवासी ६८ बर्षिया फुलमाया चौलागाईंले विजेता हुँदै आइफोन १३ प्रो म्याक्स प्राप्त गरेकी थिइन ।