सुर्खेत । चौंतिसौँ राष्ट्रिय पुरुष भलिबल प्रतियोगिता पौष २० गतेदेखि २५ गतेसम्म सुर्खेतको वीरेन्द्रनगरमा आयोजना हुने भएको छ । मंगलबार पत्रकार सम्मेलन गर्दै कर्णाली प्रदेश भलिबल संघले राष्ट्रिय पुरुष भलिबल प्रतियोगिता वीरेन्द्रनगरमा हुने जनाएको छ ।
चौंतिसौँ राष्ट्रिय पुरुष भलिबल प्रतियोगितामा ७ प्रदेश र ३ विभागीय गरी जम्मा १० टिमको सहभागिता हुने कर्णाली प्रदेश भलिबल संघका अध्यक्ष कृष्ण श्रेष्ठले जानकारी दिएका छन् । यो प्रतियोगिता नेपाल भलिबल संघको आयोजना, कर्णाली प्रदेश सरकारको आर्थिक सहयोग र कर्णाली भलिबल संघको समन्वय संचालन हुनेछ ।
यस्तै, कर्णाली प्रदेश स्तरिय पुरुष भलिबल छनोट प्रतियोगिता मंसिर २१ गतेदेखि २३ गतेसम्म हुने पनि कर्णाली भलिबल संघले जनाएको छ । जसमा कर्णाली प्रदेश अन्तर्गतका १० जिल्लाबाट प्रत्येक जिल्ला १/१ गरी १० टिमको सहभागिता हुनेछ । यसै प्रतियोगिताबाट राष्ट्रिय पुरुष भलिबल प्रतियोगितामा सहभागि हुनका लागि प्रदेश भलिबल टिमको पनि छनोट गरिने आयोजकले जनाएको छ ।
संवाददाता । मङ्गलबार, मङि्सर १९, २०८० मा प्रकाशित