सुर्खेत । अङ्ग्रेजी नयाँ बर्ष २०२४ को अवसरमा सुर्खेतको वीरेन्द्रनगर ६ गोदामलाईनमा रहेको गोरेटो फ्याम्ली रेष्ट्रो एण्ड लाइभ म्युजिक बारमा सांगीतिक कार्यक्रम हुने भएको छ ।
यही पौष १५ गते साझ ६ बजेदेखि राती १२ बजेसम्म हुने सांगीतिक कार्यक्रममा चर्चित मोडल अन्जली अधिकारी (गलबन्दी च्यातियो तिम्ले तानेर…) र चर्चित गायिका टिका प्रसाई (नाई मलाई थाहा छैन…) लगायत स्थानीय कलाकारहरुको प्रस्तुती रहने गारेटो रेष्टुरेन्टका संचालक हरी बिष्टले जानकारी दिए ।
सांगीतिक कार्यक्रमको लागि पाँच सय टिकट शुल्क राखिएको छ । आर्थिक मन्दिलाई मध्यनजर गर्दै टिकटको शुल्क सस्तो बनाएको र कार्यक्रममा कर्णाली चिनाउने विभिन्न फोटो भिडिओ तथा अन्य सामाग्रीहरु पनि प्रस्तुत गरिने गोरेटो रेष्टुरेन्टले जनाएको छ ।
संवाददाता । मङ्गलबार, पुष १०, २०८० मा प्रकाशित