सुर्खेत । सुर्खेतको वीरेन्द्रनगर नगरपालिका १६ मा रहेको श्री आदर्श माद्यामिक विद्यालयको ७२ औं वार्षिक उत्सव सम्पन्न भएको छ । बिहिबार भएको वार्षिक उत्सवमा पुरस्कार वितरण पनि गरिएको थियो ।

कार्यक्रममा नयाँ अक्षयकोष दाताहरुले अक्षयकोषमा दान गरेका थिए । यस्तै सम्पूर्ण अक्षयकोष दाताहरुलाई विद्यालयले सम्मान गर्दै मायाको चिनो प्रदान गरेको छ । कार्यक्रममा विद्यालयले उत्कृष्ट विद्यार्थीहरुलाई पुरस्कार वितरण गर्दै विभिन्न साँगीतीक कार्यक्रमको आयोजना समेत गरेको थियो जसमा विद्यार्थीहरुले आफ्ना विभिन्न प्रतिभाहरु प्रस्तुत गरेका थिए ।

कार्यक्रममा बोल्दै विद्यालय व्यवस्थापन समितीका अध्यक्ष पूर्णबहादुर ढकालले विद्यालयमा अहिले बिभिन्न सकारात्मक कामहरु भइरहेको र जसले विद्यार्थी पढाई पनि गुणस्तरीय बन्दै गएको बताएका छन् । वीरेन्द्रनगर १६ का पूर्ववडाअध्यक्ष समेत रहेका ढकालले आगामी दिनमा विद्यालयको गुणस्तरमा अझ सुधार ल्याउँदै जाने बताएका छन् ।

विद्यालय व्यवस्थापन समितीका अध्यक्ष पूर्णबहादुर ढकालको अध्यक्षतामा भएको कार्यक्रममा प्रमुख अतीथि वडाअध्यक्ष डण्डबहादुर विश्वकर्मा, विशेष अतीथि पूर्व शिक्षा निर्देशक भक्तबहादुर ढकाल लगायत प्रधानाध्यापक, शिक्षक, विद्यार्थी, अभिभावक र वडामा रहेका विभिन्न राजनितिक दलका प्रतिनिधी लगायतको सहभागिता रहेको थियो ।