कर्णालीका मुख्यमन्त्री जीवनबहादुर शाही र युरोपेली संघका राजदूतबीच भेटवार्ता

संवाददाता । बुधबार, चैत ०९, २०७८ मा प्रकाशित

सुर्खेत । कर्णालीका मुख्यमन्त्री जीवनबहादुर शाही र युरोपेली संघका राजदूतबीच बुधबार भेटवार्ता भएको छ ।मुख्यमन्त्री तथा मन्त्रिपरिषद्को कार्यालयमा भएको भेटमा युरोपेली संघका राजदूतहरुले कर्णालीमा जलवायु परिवर्तन, खानेपानी, सिँचाइ र नवीकरणीय ऊर्जाका क्षेत्रमा भइरहेको कामका बारेमा जानकारी गराएका थिए ।

नेपालका लागि युरोपेली युनियनका राजदूत नोना डेप्रेजको नेतृत्वमा रहेको प्रतिनिधिमण्डलले पर्यटन प्रवद्र्धन, पूर्वाधार, सडक पहुँच र संघीयतापछिको कर्णालीमा चासो राखेको थियो । कर्णालीमा कृषि र शिक्षामा पनि सहयोग गर्ने योजना छ । भेटमा मुख्यमन्त्री शाहीले कर्णालीका लागि युरोपेली मुलुकले गरिरहेको अहिलेको सहयोग महत्वपूर्ण रहेको बताउँदै प्रदेश सरकारले विकास र विकासका लागि ‘६बी’ (सडक, विद्युत, वन, बजार, विचार र व्यवस्थापन) अगाडि बढाएको बताए । कर्णालीको समृद्धि । ‘सडक, विद्युत, वन, बजार, विचार र व्यवस्थापनविना कर्णालीको विकास र समृद्धि हुन सक्दैन’, उनले भने । “कर्णालीलाई यी क्षेत्रमा सहयोग चाहिन्छ।” मुख्यमन्त्री शाहीले कर्णालीका लागि सङ्घीयता निकै महत्वपूर्ण भएको बताउनुभयो । ‘स्थानीय तह चुल्होको सरकार हो, यसले जनताको प्रत्यक्ष परामर्शमा सहयोग गर्छ’, मुख्यमन्त्री शाहीले भने । राजदूतहरुले कर्णालीमा पर्यटन प्रचुर मात्रामा रहेको भन्दै यसको विकास र प्रवद्र्धन आवश्यक रहेको बताए ।

उनीहरुले पर्यटन क्षेत्रमा पूर्वाधार निर्माण र सडकको पहुँचमा प्रदेश सरकारले ध्यान दिनुपर्ने बताए । भेटमा नेपालका लागि जर्मनीका राजदूत डा. थोमस प्रिन्ज, नेपालका लागि फ्रान्सका राजदूत गिल्स बोरबाओ र नेपालका लागि फिनल्याण्डका राजदूत पेर्टी एन्टिनेन र कर्णाली सरकारका मुख्य सचिव राजकुमार श्रेष्ठको उपस्थिति रहेको थियो ।