मुगु । मुगुमा बोलेरो जिप दुर्घटना हुँदा एक जनाको मृत्यु भएको छ । बुधबार सोरु गाउँपालिकाबाट सदरमुकाम गमगढी आउँदै गरेको ग १ ज ६४३७ नम्बरको जिप बान्जाँ भन्ने ठाउँमा दुर्घटनामा परेको हो ।
दुर्घटनमा परि जिपका साहु सोरु गाउँपालिका–३ का ४५ बर्षीय नरबादुर गुमीको मृत्यु भएको जिल्ला प्रहरी कार्यालय मुगुले जनाएको छ । उक्त जिप उनी आफैंले चलाएको मुगुका प्रहरी प्रमुख डिएसपी वीरेन्द्र थापाले बताए । उनका अनुसार जिपमा अरु यात्रु थिएनन् ।
जिप सडकदेखि करिब डेढ सय मिटर तल खसेको उनले जानकारी दिए । मृतकको पोष्टमार्टमका लागि चिकित्सकको टोली घटनास्थलमै गईरहेको डिएसपी थापाले बताए ।
संवाददाता । बुधबार, भदौ १९, २०८१ मा प्रकाशित