सुर्खेत । सुर्खेतको वीरेन्द्रनगर नगरपालिका–१० स्थित नयाँगाउँबाट प्रहरीले लागूऔषध ट्रामाडोलसहित तीन जनालाई पक्राउ गरेको छ।
जिल्ला प्रहरी कार्यालय सुर्खेत र लागूऔषध नियन्त्रण शाखाबाट खटिएको संयुक्त प्रहरीको टोलीले गोप्य सूचनाको आधारमा लागूऔषध ट्रामाडोलसहित तीन जनालाई पक्राउ गरेको छ।
पक्राउ पर्नेमा कालिकोटको रास्कोट नगरपालिका ५ का १८ बर्षिया सुनिल शाही, तिलागुफा नगरपालिका ३ का नवराज बोहोरा र दैलेखको चामुण्डाविन्द्राशैनी नगरपालिका ४ का दिनेश बिष्टलाई प्रहरीले पक्राउ गरेको हो।
जिल्ला प्रहरी कार्यालय सुर्खेतका प्रवक्ता मोहनजंग बुढथापाका अनुसार उनीहरुलाई शंकास्पद अवस्थामा फेला पारी शरीर खानतलासी गर्दा १ सय ६३ ट्याब्लेट लागूऔषध टर्माडोल फेलापारी बरामद गरी उनीहरुलाई नियन्त्रणमा लिएको बताएका छन्।






संवाददाता । मङ्गलबार, असार १०, २०८२ मा प्रकाशित