सुर्खेत । सुर्खेतको वीरेन्द्रनगर नगरपालिका–३ हङकङ बजारमा ‘इन्दु कलेक्सन’ आजबाट औपचारिक रूपमा सञ्चालनमा आएको छ।

महिला लक्षित सामग्रीहरू, विभिन्न ब्रान्ड तथा गुणस्तरका कपडाहरू, जुत्ता, चप्पल, शृङ्गार सामग्री लगायतका वस्तुहरू एकै ठाउँबाट उपलब्ध गराउने उद्देश्यले इन्दु कलेक्सन सञ्चालनमा ल्याइएको हो।

आज आयोजित उद्घाटन कार्यक्रममा सुर्खेत उद्योग वाणिज्य संघका अध्यक्ष हर्षविक्रम खड्काले पसलको उद्घाटन गर्दै, इन्दु कलेक्सनले सुर्खेतको व्यावसायिक क्षेत्रलाई थप सबल बनाउने अपेक्षा गरिएको बताए। उनले पछिल्लो समय कर्णाली प्रदेशमा महिला उद्यमशीलता वृद्धि हुँदै गएकोमा खुसी समेत व्यक्त गरे।

यो व्यवसाय महिला दिदीबहिनीहरूको आवश्यकतालाई केन्द्रमा राखेर सञ्चालन गरिएको सञ्चालक इन्दु ज्ञावलले बताईन। ग्राहकहरूको मागअनुसार आगामी दिनमा सेवा विस्तार गर्दै जाने योजना बनाएको उनको भनाई छ।

उद्घाटन कार्यक्रममा विभिन्न संघसंस्थाका पदाधिकारी, उद्योगी, व्यापारी, जनप्रतिनिधि, राजनीतिक दलका प्रतिनिधिहरूको उपस्थिति रहेको थियो।