सुर्खेत । सुर्खेतको वीरेन्द्रनगर–४ मा रहेको एसआई ट्रेड एण्ड सप्लायर्सले आफ्ना नयाँ उत्पादनहरू सार्वजनिक गर्दै आगामी वर्षका लागि पनि आकर्षक स्किम अफरहरू घोषणा गरेको छ।
शनिबार सुर्खेतको सिद्धार्थ होटलमा आयोजित ग्राहक भेटघाट कार्यक्रम मार्फत एसआई पावर ब्रान्ड अन्तर्गतका पाँच नयाँ उत्पादनहरू (इन्जिन वाइल, बाइक हेलमेट, बाइक सिट कभर, टायर सीलेन्ट र फोर्क वाइल) सार्वजनिक गरिएको छ। कार्यक्रममा कर्णाली प्रदेशका पाँच सयभन्दा बढी ग्राहकहरूको उत्साहजनक उपस्थिति रहेको थियो।
कार्यक्रममा बोल्दै एसआई ट्रेड एण्ड सप्लायर्सका सञ्चालक इन्द्र बहादुर खड्काले स्थानीय बजारमा गुणस्तरीय सामाग्रीहरुको पहुँच बढाउने उदेश्यले आफ्ना नयाँ ब्राण्डहरु सार्वजनिक गरिएको बताएका छन्। उनले ग्राहक र सप्लायर्सबीचको सशक्त सम्बन्ध नै व्यवसायिक सफलताको आधार भएको बताउँदै प्रतिस्पर्धात्मक मूल्यमा गुणस्तरिय सामान उपलब्ध गराउने प्रतिबद्धता समेत व्यक्त गरेका छन्।
कार्यक्रमबाट दुई सयभन्दा बढी ग्राहकलाई विशेष स्किम अफर प्रदान गरिएको छ। गत वर्ष एसआई ट्रेड एण्ड सप्लायर्ससँग सहकार्य गर्दै टार्गेट पूरा गर्ने उत्कृष्ट ग्राहकमध्ये १० जनालाई थाइल्याण्ड भ्रमण, १ जनालाई सामसङ स्मार्ट फोन, ५ जनालाई १९२ लिटरको फ्रिज, २० जनालाई कुलर, ५ जनालाई ३२ इन्चको एलईडी टिभी लगायत थुप्रै पुरस्कार प्रदान गरिएको थियो।
अहिलेसम्मकै ठूलो स्किम सार्वजनिक
एसआई ट्रेडले आगामी वर्षका लागि समेत नयाँ र भव्य स्किम अफरहरू घोषणा गरेको छ। यो स्किमअन्तर्गत व्यापारिक टार्गेट पुरा गर्ने ग्राहकले सुर्खेतमै ६ मिटरको घडेरी, थाइल्याण्ड भ्रमण, बुलेट मोटरसाइकल, स्कुटर, स्मार्ट ग्याजेट लगायत दर्जनौं उपहारहरू जित्न सक्नेछन्।
संवाददाता । आइतबार, साउन ११, २०८२ मा प्रकाशित