सुर्खेत । राष्ट्रिय पारा भारोत्तलन खेलकुद संघ नेपाल द्वारा आयोजित राष्ट्रिय पारा भारोत्तलन प्रतियोगिता २०७९ मा सहभागी भएर सुर्खेतका किरण किसोर सापकोटाले प्रथम स्थान प्राप्त गर्दै स्वर्ण पदक विजेता बनेका छन ।
“स्वास्थका लागि खेलकुद राष्ट्रका लागि खेलकुद” भन्ने उदेश्यले आज सम्पन्न भएको खेलमा पारा भारत्तोलन ७२ केजि तौल पुरुष तर्फ सापकोटाले स्वर्ण पदक जितेका हुन । देशभरबाट खेलाडीहरुले प्रतिस्पर्धामा भाग लिएका थिए । किरण सापकोटाले कर्णालीबाट प्रतिनिधित्व गरेर प्रतियोगितामा सहभागी भएका हुन ।
कर्णाली मिडियासङ्ग कुरा गर्दै सापकोटाले देशभरका धेरै सहभागी सङ्ग प्रतिस्पर्धा गरेर स्वर्ण पदक सहित प्रथम हुनु मेरो मात्र नभएर समग्र कर्णालीको जित भएको बताए ।
संवाददाता । सोमबार, जेठ ०९, २०७९ मा प्रकाशित