असार १, सुर्खेत । कर्णाली प्रदेश सरकारले आगामी आर्थिक बर्ष २०७९–०८० का लागि ३२ अर्ब ६१ करोड ६१ लाख ६३ हजार बजेट ल्याएको छ । पहिलो कार्यकालको अन्तिम बजेट घटेर ल्याइएको छ ।
बुधबार प्रदेश सरकारका अर्थमन्त्री विन्दमान विष्टले चालु आर्थिक बर्षको तुलनामा झण्डै ४ अर्ब कमको बजेट प्रस्तुत गरेका हुन् ।

जसमध्ये पुँजीगत तर्फ १९ अर्ब ४३ करोड ५ लदाख २४ हजार अर्थात ५९.५८ प्रशित रहेको छ भने चालु तर्फ ९ अर्ब १६ करोड ४९ लाख अर्थात २८.११ प्रतिशत बजेट रहेको छ ।
यस्तै स्थानीय तहमा वित्तिय हस्तान्तरणतर्फ रु ४ अर्ब १ करोड ५७ लाख २९ हजार अर्थात १२.३१ प्रतिशत बजेट विनियोन गरिएको विष्टले जानकारी गराए ।
सरकारले चालु आर्थिक बर्षमा रु. ३६ अर्ब ७४ करोड ६६ लाख ३६ हजार बराबरको बजेट विनियोजन गरिएको थियो ।

आगामी आवका लागि अनुमान गरिएको खर्च व्यहोर्ने स्रोत मध्ये आन्तरिक राजश्वबाट ७१ करोड २९ लाख ७४ हजार, चालु आर्थिक बर्षको खर्च नभएर बाँकी रहन जाने अनुमानित रकम ४ अर्ब ५५ करोड ४५ लाख ८५ हजार, संघीय सरकारबाट राजश्व बाँडफाँट वापत प्राप्त हुन आएको रकम रु ९ अर्ब २ करोड २० लाख .. ,वित्तिय समानीकरण अनुदानबाट प्राप्त हुन आएको रु १० अर्ब ७२ करोड ६४ लाख र सशर्त अनुदानबाट ५ अर्ब ६९ करोड ६७ लाखरकम परिचालन गरिने छ । नेपाल सरकारबाट प्राप्त हुने समपुरक वापत रु १ अर्ब २१ करोड ५० लाख, विशेष अनुदान वापत रु ६६ करोड ८० लाख प्राप्त हुने अनुमान गरिएको छ । यस्तै वैदेशिक सहायताबाट सञ्चालित हुने कार्यक्रम तथा आयोजना कार्यान्वयनका लागि २ करोड ५ लाख ४ हजार स्रोत परिचालन गरिने मन्त्री विष्टले जानकारी दिए ।

चालु आर्थिक बर्ष स्वास्थ्य क्षेत्रलाई प्राथमिकतामा राखेर बजेट ल्याएको सरकारले अन्तिम बर्षको बजेट भने सडक पुर्वाधार, कृषिलाई मध्यनजर गरेर ल्याएको छ । सरकारले अन्तिम बजेटलाई योजना सम्पन्न गर्ने बर्षका रुपमा लिएको छ । जस अनुसार विगतका आर्थिक बर्षका तर सम्पन्न नभएका योजनालाई मुर्त रुप दिनका लागि बजेट केन्द्रीत गरिएको छ। जस अन्तर्गतप्रदेश भरिका सडक मर्मतक लागि १४ अर्ब बजेट विनियोजन गरिएको छ।

कर्णाली प्रदेश सरकारले वीरेन्द्रनगरको खानेपानी आयोजनाका लागि पाँच करोड बजेट विनियोजन गरेको छ भने सिँचाई कार्यक्रम अन्र्तगत अधिकाँश योजना सम्पन्न गर्नका लागि बजेट विनियोजन गरिएको छ । कर्णाली जनता सिचाई कार्यक्रमका लागि ८ करोड र टार सिचाई कार्यक्रमका लागि ३ करोड ३८ लाख बजेट विनियोजन गरिएको विष्टले जानकारी दिए ।
यसैगरी, बजेटमा नदी तटबन्धनका लागि १३ करोड र बाढी तथा पहिरो तथा प्रकोप रोकथाम न्यूनीकरणका लागि ३२ करोड ६४ लाख रकम विनियोजन गरिएको छ । कर्णाली प्रदेश अस्पताललाई स्वास्थ्य विज्ञान प्रतिष्ठानको रुपमा विकास गरिने भएको छ । त्यसका लागि ५२ करोड ४५ लाख बजेट विनियोजन गरिएको छ भने ५०० शय्या बनाइने विष्टलेब बताए ।

प्रदेश गौरवको आयोजना प्रदेश रंगशाला निर्माणका लागि ६० करोड बजेट विनियोजन गरेको छ भने विद्युतको राष्ट्रिय प्रशारण लाइन नपुगेका ठाउँमा वैकल्पिक उर्जा मार्फत विद्युतिकरण गर्न कर्णाली उज्यालो कार्यक्रम अन्तर्गत १० करोड बजेटको व्यवस्थापन गरिएको छ। विष्टका अनुसार प्रदेश राजधानी वीरेन्द्रनगरमा कर्णाली बसपार्क निर्माण गरिने छ । दैलेखमा धार्मिक पर्यटन विकास गर्न श्रीस्थान, नाविस्थान, कोटिला लगायतका पर्यटकीय स्थलहरुको सडक बिस्तार गर्न कर्णाली प्रदेश सरकारद्वारा २ करोड बजेट विनियोजन गरिएको छ ।

तथ्याङ्कमा कर्णालीको (आव २०७९–०८०) बजेट
—कुल बजेट :३२ अर्ब ६१ करोड ६१ लाख ६३ हजार
—पुँजीगत : १९ अर्ब ४३ करोड ५ लदाख २४ हजार
—चालु : ९ अर्ब १६ करोड ४९ लाख
—स्थानीय तहमा वित्तिय हस्तान्तरणतर्फ : ४ अर्ब १ करोड ५७ लाख २९ हजार
—चालु आर्थिक बर्ष भन्दाः झण्डै ४ अर्बले कमी
खर्च व्यहोर्ने स्रोत
—आन्तरिक राजश्वबाटः ७१ करोड २९ लाख ७४ हजार
—चालु आवको खर्च नभएर बाँकी रहन जाने अनुमानितः ४ अर्ब ५५ करोड ४५ लाख ८५ हजार
—संघीय सरकारबाट राजश्व बाँडफाँट वापत प्राप्त : ९ अर्ब २ करोड २० लाख
—वित्तिय समानीकरण अनुदानबाट : १० अर्ब ७२ करोड ६४ लाख
— सशर्त अनुदानबाट : ५ अर्ब ६९ करोड ६७ लाख
—संघीय सरकारबाट प्राप्त हुने समपुरक वापत : १ अर्ब २१ करोड ५० लाख
—विशेष अनुदान वापत : ६६ करोड ८० लाख
—वैदेशिक सहायताबाट सञ्चालित हुने कार्यक्रम तथा आयोजना कार्यान्वयनका लागि :२ करोड ५ लाख ४ हजार

हेर्नुहोस कर्णाली सरकारले आगामी आर्थिक बर्षका लागि ल्याएको बजेटको पुर्णपाठ :