असार ४, सुर्खेत – दाङ देखि जाजरकोट जाँदै गरेको मालबाहक ट्रक सुर्खेतको गुर्भाकोटमा दुर्घटना भएको छ ।
शनिबार बिहान करिब ५ बजेको समयमा सरिया र सिमेन्ट लगि दाङ देखि जाजरकोट जादै गरेको ना.४ ख. ९७६१ को ट्रक दाङ बोटेचौर सडक खण्डमा दुर्घटना भएको हो ।
सवारी अनियन्त्रित भई सडक देखि करिब ५० मिटर तल खसेकोले दुर्घटनामा ट्रक चालक र सह-चलाक ट्रक भित्र च्यापिएको तर उनिहरुको पहिचान हुन नसकेको जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक सुरज कार्किले जानकारी दिए ।
च्यापिएकाहरुलाई उद्धारका लागि उद्धार टोली खटिएर उद्धार कार्य भईरहेको र थप मद्दतका लागि नेपाली सेना र सशस्त्र प्रहरीको टोली घटनास्थल जाँदै गरेको प्रहरीको भनाई छ । थप विवरण आउन बाकी छ ।
संवाददाता । शनिबार, असार ०४, २०७९ मा प्रकाशित