२१ साउन , सुर्खेत । सामाजिक आन्दोलनपछि अपूर्ण जित लिएर पुरानै दु:खको घेरोमा जीवन बिताउनुपर्ने बाध्य समुदाय मध्ये एक हो, वादी समुदाय ।
जहानिय राजतन्त्रको अन्त्य सङै देशमा लोकतान्त्रिक गणतन्त्रको वहाली भएर देश संघीयतामा विभाजन भै संघीय, प्रदेश र स्थानीय सरकारको स्थापना हुँदा पनि अझै पछाडी परिरहेका जातजातिका बालबालिका, युवा र महिलाको अवस्था जस्ताको त्यस्तै छ । त्यस्तै देशको धेरै जसो जिल्लामा बादी समुदाय बसोबास गरेका छन् र ती मध्य कर्णाली प्रदेशका बादी समुदायका बालबालिकाको अवस्था पनि दयनीय रहेको छ ।
कर्णालीका बादी समुदायका बालबालिकाको भविष्यको लागि बादी सरोकार मञ्च सुर्खेतले एकै स्थानमा राखेर पठनपाठन र उचित व्यवस्थापन गर्दै आएको छ । बादी सरोकार मञ्चले भने खाद्यान्न समस्या भोग्दै आएको छ ।
एक सय २६ जना बालबालिकालाई संरक्षण गर्दै आएको मञ्चलाई सहयोग गर्ने कोहि नभए पछि यस्तो समस्या भोग्नु परेको हो । उनिहरुको लागि खाद्यान्न अभाव हुन थाले पछि बजारमा माग्दै पाल्नु परेको बादी सरोकार मञ्च नेपालका अध्यक्ष हिक्मत वादीले बताएका छन् । उनले भने गाउँमा मेरो बुवाआमाले माग्नु हुन्थ्यो, सुर्खेत बजारमा यी बालबालिकाको लागि मैले मागेको छु, ताकी यी बालबालिकाले माग्नु नपरोस् ।
परिवर्तन हुनै नचाहने राउटे समुदायको लागि सहयोग गर्ने सरकार बादी समुदायका बालबालिका समस्यामा पर्दा मौन छ । बादी समुदायका बालबालिकालाई पठनपाठन र उचित व्यवस्थापन गर्ने आश्वासन दिए पनि कर्णाली सकोरकार निति नियममा कतै समेटिएको र कार्यान्वयन भएको पाईदैन ।
बादी समुदायका बालबालिकालाई खाद्यान्न अभाब हुदा बेलाबेलामा समाजसेवी तथा सहयोगीहरुले सहयोग गर्दै आईरहेका छन् । हिजो सुक्रबार पनि केही सहयोगी तथा समाजसेवीहरु मिलेर बादी समुदायका बालबालिकाहरुलाई करिब ३६ हजार बराबरको खाद्यान्न सहयोग गरेका छन् ।
सहयोगीहरुको नामावली
संवाददाता । शनिबार, साउन २१, २०७९ मा प्रकाशित