दैलेख । दैलेखको भैरवी गाउँपालिका- ३ डाँडीमाडी बजारमा जेसिबीले ठक्कर दिदा एक जनाको मृत्यु भएको छ।
भैरवी गाउँपालिका-३ चोथा बाट गाउँपालिकाको कार्यालय तर्फ जादै गरेको भे.१क१६४२ को जेसिबीले ठक्कर दिदा पैदल यात्री भैरवी गाउँपालिका-३ डाँडीमाडी बस्ने ३९ बर्षिया धनी मिँयाको घटनस्थलमै मृत्यु भएको जिल्ला प्रहरी कार्यालय दैलेखका प्रहरी निरीक्षक पुरुषोत्तम कार्कीले जानकारी दिए।
मंगलबार राती साढे ७ बजेको समयमा जेसिबीले पैदल यात्रीलाई ठक्कर दिएको थियो। प्रहरीले जेसिबी नियन्त्रणमा लिएर थप अनुसन्धान जारी राखेको छ।
संवाददाता । बुधबार, कार्तिक ०९, २०७९ मा प्रकाशित