दैलेख । दैलेखबाट लागूऔषध सहित दुई जनालाई प्रहरीले पक्राउ गरेको छ। जिल्लाको नारायण गरपालिका–१ पुरानो बसपार्कबाट उनिहरुलाई पक्राउ गरेको जिल्ला प्रहरी कार्यालय दैलेखका प्रहरी नायब उपरिक्षक भुवनेश्वर प्रसाद शाहले जानकारी दिए।
पुरानो बसपार्कमा रहेको जयदुर्गा होटलको दोस्रो तलाको दक्षिण तर्फको कोठामा लागूऔषध (ब्राउनसुगर) सेवन गरिरहेको भन्ने गोप्य सुचनाको आधारमा जिल्ला प्रहरी कार्यालय दैलेखबाट प्रहरी टोलि खटिगएको थियो । प्रहरीका अनुसार पक्राउ पर्नेमा नारायण नगरपालिका–२ जाहरकोटका २९ बर्षीय शंकर भट्टराई र कुसाडाका २७ वर्षीय योगेश सिजापती रहेका छन् । उनिहरुलाई प्रहरीले सोही होटलमा मदिरा सेवन गर्दा आफ्नो अगाडी राखि सेवन गरि रहेको अवस्थामा लागूऔषध (ब्राउनसुगर) जस्तो देखिने खैरो धुलो पदार्थ ४५ मि.ग्रा. सहित उनिहरुलाई नियन्त्रणमा लिएको हो।
उनिहरु माथी थप अनुसन्धानकार्य भई रहेको प्रहरीको भनाई रहेको छ ।
संवाददाता । बुधबार, कार्तिक १६, २०७९ मा प्रकाशित