सुर्खेत । बुद्ध एयरको ७२ सिट क्षमताको विमानले पौषबाट सुर्खेत सुर्खेत काठमाडौं नियमित उडान भर्ने भएको छ । भाडादर ७ हजार ५ सय रहने बुद्ध एअरले प्रेश विज्ञप्ती मार्फत जानकारी दिएको छ
आज बुद्ध एयरको एटिआर ७२ विमानको सफल अवतरण समेत भएको हो। नागरिक उड्डयान प्राधिकरणको सहयोग र सहकार्यमा एटिआर ७२ बिमानले आजदेखि सुर्खेत बिमानस्थलबाट नियमित उडान भर्ने विज्ञप्तीमा उल्लेख छ । साथै डिसेम्बर भित्र थप दुईवटा एटिआर ७२ जहाज समेत बुद्धले एअरले ल्याउन लागेको जानकारी विज्ञप्तीमार्फत दिएको हो ।
लामो समयदेखी सुर्खेत विमानस्थलबाट १८ सिटेहुँदै ४७ सिटे बुद्धको जहाजले नियमित उडान भरीरहेको थियो । तर भाडादर महंगो भएकोले भाडादर घटाउनुपर्ने वा ७२ सिटे जहाज सञ्चालन गर्नुपर्ने स्थानियहरुले माग राख्दै आएका थिए ।
सुर्खेत विमास्थलबाट भाडादर मंहगो भएपछि सुर्खेत लगाएत कर्णालीका अधिकाँश नागरिक नेपालगञ्जबाट उडान भर्न बाध्य थिए । यसै विषयमा सुर्खेत उद्योग बाणीज्य संघले सुर्खेतमा ७२ सिटे विमानको उडान हुनुपर्ने वा भाडादर घटाउनुपर्ने विषयमा लामो समयदेखी कुरा उठाउँदै आएको थियो ।
संवाददाता । बुधबार, कार्तिक ३०, २०७९ मा प्रकाशित