सुर्खेत । कर्णाली प्रदेश सभाको सभामुख नन्दा गुरुङले पद तथा गोपनियताको सपथ लिएकी छन् । आइतबार प्रदेश प्रमुख तिलक परियारबाट उनले पद तथा गोपनियताको सपथ लिएकी हुन् ।
आइतबार कर्णाली प्रदेश सभाबाट सभामुखमा निर्वाचित भएकी गुरुङले प्रदेश सभा नियमावली २०७९ को नियम ८ बमोजिम सपथ ग्रहण गरेकी हुन् । सपथ ग्रहण पश्चात आजै सभामुख गुरुङले पदभार ग्रहण पनि गरेकी छन् ।
![](https://karnalimedia.com/wp-content/uploads/2023/12/1701696927664.gif)
४० सदस्यीय कर्णाली प्रदेश सभाबाट २४ मत प्राप्त गर्दै विजयी भएकी सभामुख गुरुङलाई नेकपा माओवादी केन्द्रका १३, एमालेका १० र राप्रपाका १ जना सांसदले मत दिएका थिए ।
![](https://karnalimedia.com/wp-content/uploads/2023/01/nawadurga.gif)
संवाददाता । आइतबार, माघ ०१, २०७९ मा प्रकाशित