सुर्खेत । सुर्खेतमा सहिद दिवसको अवसरमा दिप प्रज्वलन गरिएको छ । सुर्खेत महिला जेसीजको आयोजनामा वीरेन्द्रनगर सुर्खेतको वीरेन्द्रचोकमा दिप प्रज्वलन गरिएको हो ।
आज माघ १६ गते सहिद दिवसको अवसरमा गरिएको दिप प्रज्वलनमा ज्ञात अज्ञात सहिदहरुप्रती श्रद्धाञ्जली व्यक्त गरिएको थियो । विभिन्न समयमा देश र जनताको लागि आफ्नो ज्यानको आहुती दिने सहिदहरुलाई सम्झदै दिप प्रज्वलन कार्यक्रममा सुर्खेत महिला जेसीज बर्ष २०२३ को अध्यक्ष सीता भण्डारीले सहिदहरुको योगदानलाई सबैले सम्झनुपर्ने बताईन् ।
संवाददाता । सोमबार, माघ १६, २०७९ मा प्रकाशित