बाँकेको शमशेरगञ्जमा शुक्रबार बेलुका भएको बस दुर्घटनामा ज्यान गुमाउनेको संख्या ७ पुगेको छ।
बाँके प्रहरीका अनुसार दुर्घटनामा २५ भन्दा बढी घाइते छन्।
बर्दिया ठाकुरबाबा नगरपालिका ९ का सामुदायिक वनका सदस्यहरुको भ्रमणटाेली बोकेर भरतपुरबाट बर्दिया फर्कँदै गरेको बस बाँकेको ढकेरी राप्तीसोनारी ८ शमशेरगञ्ज नजिकै ट्रकमा ठोकिँदा भएको दुर्घटनामा ७ जनाकाे मृत्यु भएको छ भने २५ जना भन्दा बढी घाइते छन्।
ज्यान गुमाउनेमा बसका चालक जोगेन्द्र चन्द, ५५ वर्षीय काशीराम थारु, ५० वर्षीया रुपा परियार, करिब ४० वर्षिया जयन्ती थारु र ५५ वर्षीया कस्तुरी थापा छन्।
थप दुईको सनाखत भइसकेको छैन।
बिग्रिएर सडक किनारामा रहेकाे ना८ख ६४०५ नम्बरकाे ट्रकमा बस ठाेकिएकाे थियाे ।
प्रहरी प्रवक्ता डाँगीका अनुसार, घाइतेहरुकाे काेहलपुर मेडिकल कलेजमा उपचार भइरहेकाे छ ।
संवाददाता । शनिबार, भदौ २३, २०८० मा प्रकाशित