सुर्खेत । सुर्खेत महिला जेसीजले सुर्खेतको प्रमुख प्रवेशद्धार सुब्बाकुनामा स्वागत बोर्ड स्थापना गरेको छ ।

शुक्रबार रत्नराजमार्ग अन्तरगत सुर्खेतको प्रमुख प्रवेशद्वार सुब्बाकुनामा प्रवेश गर्ने नागरिकहरुलाई स्वागत गर्ने उद्देश्यले “सुर्खेतको वीरेन्द्रनगरमा तपाईलाई हार्दिक स्वागत छ” लेखिएको स्वागत बोर्ड स्थापना गरिएको छ ।

कर्णाली प्रदेशको राजधानी समेत रहेको सुर्खेतमा प्रवेश गर्ने जो कोही नागरिकलाई पनि प्रवेश गर्दा कर्णाली प्रदेशको राजधानी सुर्खेतमा प्रवेश गरेको अनुभव दिलाउन स्वागत बोर्डको स्थापना गरिएको सुर्खेत महिला जेसीजका अध्यक्ष मीना गुरुङले बताइन् ।

राजधानीमा प्रवेश गर्ने यात्रु तथा पर्यटकहरुलाई स्वागत बोर्डले स्वागत गर्दा थप सुन्दरता प्रदान गरेको सुर्खेत महिला जेसीज वर्ष २०१४ का अध्यक्ष निर्मला सुवेदी पाठकको भनाई छ ।

राज्यले गर्नुपर्ने काम सुर्खेत महिला जेसीजले गरेकोमा जिल्ला प्रहरी कार्यलय सुर्खेतका प्रहरी सहायक निरिक्षक होविन्द रावलले सुर्खेत महिला जेसीजलाइ धन्यवाद दिदै अन्य सामाजिक कार्यमा समेत प्रहरीले आगामी दिनहरुमा सँगै हातेमालो गर्ने प्रतिवद्धता जनाए ।

कार्यक्रममा सुर्खेत महिला जेसीका पूर्व अध्यक्षहरु, बोर्डका पदाधिकारी, संयोजकहरु तथा सदस्यहरु लगाएत सुरक्षाकर्मीहरु तथा सरोकारवालाहरुको उपस्थिति रहेको थियो ।