दैलेख । दैलेखको दुल्लु नगरपालिका वडा नम्बर ६ धाडा जंगलको भित्री सडकमा विद्युत पोल बोकेको ट्याक्टर दुर्घटना हुँदा एक जनाकाे घटनास्थलमै मृत्यु भएको छ । दुर्घटनामा पाँच जना घाइते भएका छन् ।
आइतबार बेलुका करिब पौने पाँच बजेको समयमा भे.१ त ८९६ नम्बरको विद्युत पोल बोकेको ट्याक्टर दुर्घटना भएको हो । जिल्ला प्रहरी कार्यालय दैलेखका अनुसार दुर्घटनामा परि मृत्यु हुनेमा दुल्लु नगरपालिका वडा नम्बर ६ खच्चेगैरा बस्ने मान मानबहादुर रावल रहेका छन् । यस्तै घाइतेको दुल्लु अस्पतालमा उपचार पश्चात ३ जनालाई प्रदेश अस्पताल सुर्खेत पठाइएको छ ।
दुर्घटना भएको ट्याक्टरमा ७ जना सवार रहेको प्रहरीको भनाई छ ।
संवाददाता । आइतबार, बैशाख ३०, २०८१ मा प्रकाशित