सुर्खेत । अनौपचारिक भ्रमणका लागि सुर्खेत आएकी राष्ट्रपति विद्यादेवी भण्डारीले काँक्रेविहारको भ्रमण गरेकी छन् । मंगलबार सुर्खेत आएकी राष्ट्रपति भण्डारीले पुरातात्विक एवं ऐतिहासिक काँक्रेविहारको भ्रमण गरेकी हुन् ।
भ्रमणका क्रममा वीरेन्द्रनगर नगरपालिकाले राष्ट्रपति भण्डारीलाई स्वागत गर्दै मायाको चिनो प्रदान गरेको छ । सुर्खेतका सहायक प्रमुख जिल्ला अधिकारी ईश्वरीप्रसाद पाण्डेले राष्ट्रपति भण्डारी मंगलबार दिउँसो १ः४५ बजे सुर्खेत आएको जानकारी दिए ।
राष्ट्रपति भण्डारी मंगलबार सुर्खेतमै वास बस्ने र बुधबार बाजुराको बडिमालिका दर्शनका लागि जाने कार्यतालिका रहेको सचिवालयले जनाएको छ ।
संवाददाता । मङ्गलबार, जेठ १७, २०७९ मा प्रकाशित