१७ असार, दाङ – दाङको घोराहीमा भएको दुर्घटनामा दुुई जनाको ज्यान गएको छ । दुई जना घाइते भएका छन् ।
घोराही उपमहानगरपालिका–७ बेसाइमा रा ३ प २९२२ नम्बरको मोटरसाइकलले साइकललाई ठक्कर दिएको प्रहरी नायब उपरीक्षक मुुकुन्दप्रसाद रिजालले जानकारी दिए ।
![](https://karnalimedia.com/wp-content/uploads/2023/12/1701696927664.gif)
दुर्घटनामा परि मोटरसाइकल चालक घोराही–१५ का ३५ वर्षीय गङ्गाबहादुर कुँवर र साइकलयात्री घोराही–७ का १६ वर्षीय रितेश केसीको ज्यान गएको प्रहरीले जनाएको छ । मोटरसाइकलमा रहेका घोराही–७ का ३८ वर्षीय वसन्त चौधरी र साइकलयात्री १५ वर्षीय विनोद भण्डारी घाइते भएका छन् ।
घाइते दुवैको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।
![](https://karnalimedia.com/wp-content/uploads/2023/01/nawadurga.gif)
संवाददाता । शुक्रबार, असार १७, २०७९ मा प्रकाशित