आईसीसी टी–२० विश्वकप एसिया छनोट अन्तर्गत नेपाल र यूएई बीचको खेललमा नेपालको तिब्र गतिका बलर सोमपाल कामीले २ विकेट लिएका छन् ।
पहिले ब्याटिङ गर्न आएको यूएईले लगातार आफ्नो पहिलो र दोस्रो विकेट गुमाएको छ ।
यूएईले पहिलो विकेटका रुपमा ओपनर ब्याट्सम्यान खालिद शाहलाई गुमाएको हो । उनी तीन रनको ब्यक्तिगत स्कोरमा पेभेलियन फर्किए । उनलाई सोमपाल कामीले रन आउट गराएका हुन् । उनी आउट हुँदा यूएईले ३।१ ओभरमा २९ बनाएको छ ।
त्यसलगत्तै यूएईको दोस्रो विकेटका रुपमा ओपनर मुहम्मद वसिम पेभेलियन फर्किएका हुन् । कप्तान समेत रहेका वसिम २६ रन बनाउँदै आउट भए । उनलाई सोमपाल कामीले करण केसीद्वारा क्याच गराएका हुन् । वसिमले १६ बलको सामना गरी दुई छक्का र तीन चौका हिर्काए । उनी आउट हुँदा यूएईले ३.३ ओभरमा ३० रन बनाएको छ ।
संवाददाता । शुक्रबार, कार्तिक १७, २०८० मा प्रकाशित