सुर्खेत । कर्णाली प्रदेशको राजधानी वीरेन्द्रनगर सुर्खेतमा ‘आईएमई पे’ कर्पोरेट फुटसल प्रतियोगिता आयोजना हुने भएको छ । तनाब छ जिन्दगी फाउन्डेसनको आयोजनामा आगमी कार्तिक २६ गते देखि गोदामलाईन सुर्खेत स्थित एम. एन. एस फुटसलमा उक्त प्रतियोगिता आयोजना हुनेछ ।
तनाब व्यवस्थापन गर्ने उदेश्य लिएको तनाब छ जिन्दगी फाउन्डेसनको आयोजनामा हुने प्रतियोगिताको विजेताले ३० के. जि. बराबरको खसी सहित ट्रफी र मेडल पनि प्राप्त गर्ने छन । प्रतियोगितामा टिम दर्ता शुल्क भने ६ हजार (१००० धरौटी रहेको) तोकिएको छ । दर्ता गर्ने अन्तिम समय कार्तिक २४ गते सम्म रहनेछ।
विशेष गरि कर्पोरेट क्षेत्रमा कामको बढी तनाब हुने भएको र एक दिन भए पनि खेलकुदको माध्यम बाट तनाब व्यवस्थापन गर्ने उदेश्यले ‘आईएमई पे’ कर्पोरेट फुटसल प्रतियोगिता आयोजन गरिएको तनाब छ जिन्दगी फाउन्डेसनका अध्यक्ष संजय योगीले जानकारी दिए।
संवाददाता । आइतबार, कार्तिक २०, २०७९ मा प्रकाशित