वाग्मती । मकवानपुरस्थित भीमफेदी बालगृहका २२ जनामा कोरोनाभाइरस संक्रमण पुष्टि भएको छ ।
भीमफेदी गाउँपालिका–६ स्थित नेपाल बाल संगठनअन्तर्गतका सो बालगृहमा एकै दिन २२ जनामा संक्रमण पुष्टि भएको हो । तीमध्ये बालगृहका दुई कर्मचारी र २० बालबालिका रहेको भीमफेदी गाउँपालिकाका स्वास्थ्य शाखाले जनाएको छ ।
एन्टिजेन परीक्षण गर्दा कोरोना पुष्टि भएका उनीहरुलाई छुट्टै स्थानमा स्थानान्तरण गरिएको बताइएको छ ।
बिहीबार मात्रै बालगृहनजिक रहेको भीमफेदी कारागारका ३५५ कैदीबन्दीलाई कोरोनाभाइरस संक्रमण पुष्टि भएको थियो । रासस
प्रकाशित मिति : २०७८ साउन १६ गते शनिबार
