नेपालले इजरायल-हमास युद्ध रोक्ने पक्षमा मतदान गरेको छ ।
नेपालले संयुक्त राष्ट्रसङ्घको महासभाले पारित गरेको इजरायल-हमास युद्ध रोक्ने प्रस्तावको पक्षमा मतदान गरेको हो ।
संयुक्त राष्ट्रसङ्घको महासभाले गाजामा तत्काल युद्ध विरामको माग गर्दै प्रस्ताव पारित गरेको हो ।
युद्ध विरामको पक्षमा नेपालसहित १ सय २० देश र विपक्षमा १४ देशले गरेका छन् ।
४५ देश मतदानमा सहभागी भएनन् ।
बैठकबाट युद्ध विराम गर्ने प्रस्ताव पारित भए पनि इजरायलले भने अस्वीकार गरेको छ ।
बैठकमा सहभागी इजरायलका राजदूत गिलाड एर्डनले इजरायललाई आफ्नो रक्षा गर्ने अधिकार भएको बताएका छन् ।
प्रकाशित मिति : २०८० कात्तिक ११ गते शनिबार
