एन आई सी एशिया बैंकले छाँयानाथ रारा नगरपालिका–१ स्थित गमगढी बजारमा आगलागी भएर घर तथा पसलमा क्षति व्यहोरेका पिडितलाई रू. १ लाख आर्थिक सहयोग गरेको छ । बैंकले आफ्नो जिम्मेवार कर्पोरेट नागरिकको उत्तरदायित्व सम्झेर पिडितलाई नगरपालिका मार्फत उक्त रकम सहयोग गरेको हो । उक्त रकम बराबरको चेक यस बैंकका कर्णाली प्रदेश प्रमुख श्री राजन पोखरेलज्यूले छाँयानाथ रारा नगरपालिकाका प्रमुख श्री हरिजंग शाहीज्यूलाई हस्तान्तरण गर्नुभयो ।
नगरपालिकाले यस क्षेत्रमा आगलागी पिडितहरुलाई सहयोग गर्दै आइरहेको छ । मिति २०७८०७/२९ गते का दिन अकस्मात आगलागी भई गमगढी बजार क्षेत्रका २१ वटा घर जलेका थिए भने करिब रू. ३५ करोड बराबरको भौतिक क्षति भएको स्थानीय प्रशासनले जनाएको छ । नेपाल सरकारको सबै नागरिकसम्म बैंकिङ पहुँच पुर्याउने अभियानमा योगदान पुर्याउने उद्देश्यले यस बैंकले हालसम्म कर्णाली प्रदेशका ९ वटा स्थानीय तहमा शाखा सञ्चालनमा ल्याइसकेका छौं । यस प्रदेशका ८ जिल्लामा १० वटा शाखा कार्यालय र एटीएम ९ वटा सञ्चालनमा रहेका छन् । यस प्रदेशका ग्रामीण क्षेत्रसम्म बैंक पुग्न सकेकाले स्थानीय उद्यमी, व्यवसायी, व्यापारीहरु र सर्वसाधारण जनतालाई ठूलो राहत मिलेको बैंकले विश्वास लिएको छ ।
संवाददाता । शनिबार, मङि्सर १८, २०७८ मा प्रकाशित