२३ असार, जुम्ला । जुम्लामा चट्याङ लागेर एक युवककाे ज्यान गएकाे छ । हिजाे चट्याङ लागेर जुम्लाकाे तिला गाउँपालिका-९ का १८ वर्षका प्रेम बुढाको ज्यान गएकाे हाे ।
पानी परेका बेला ओत लाग्न रुखमुनि बसेका उनलाई चट्याङ लागेकाे जिल्ला प्रहरी कार्यालय जुम्लाका सूचना अधिकारी तथा प्रहरी निरीक्षक भुवन भट्टले जानकारी दिए।
घटनास्थल तिला गाउँपालिकाको रारालिहीबाट टाढा रहेकाे र टेलिफोन नलागेका कारण घटनाबारे थप जानकारी आउन बाँकी रहेकाे उनको भनाई छ ।
संवाददाता । बिहिबार, असार २३, २०७९ मा प्रकाशित