सुर्खेत । नेकपा माओवादी केन्द्रका अध्यक्ष पुष्पकमल दहाल ‘प्रचण्ड’ आज सुर्खेत आउने भएका छन् । पार्टीको प्रदेश कमिटीले वीरेन्द्रनगरमा आयोजना गरेको प्रशिक्षण कार्यक्रमलाई सम्बोन्धन गर्न पूर्व प्रधानमन्त्री समेत रहेका अध्यक्ष प्रचण्डसहित केन्द्रीय नेताहरु सुक्रबार सुर्खेत आउन लागेका हुन् ।
प्रचण्ड सहितका नेताहरुले बिहीबार आउने र कार्यक्रम हुने भनिए पनि विशेष कारणले हिजो प्रचण्ड सहित शिर्ष नेताहरु आउने कार्यक्रम अन्तिम समयमा रद्द भएको थियो । आज वीरेन्द्रनगरको सिटी हलमा आयोजना हुने प्रशिक्षण कार्यक्रममा प्रचण्डसँगै उपाध्यक्ष नारायणकाजी श्रेष्ठ, उप-महासचिवद्वय जनार्दन शर्मा ‘प्रभाकर’ र शक्ति बस्नेत पनि आउने कार्यतालिका रहेको नेकपा माओवादी केन्द्र कर्णाली प्रदेश कमिटीले जानकारी दिएको छ ।
यस्तै माओवादी केन्द्रका उप-महासचिव तथा अर्थमन्त्री जनार्दन शर्मा भने बीमाको कार्यक्रमको लागि हिजो नै सुर्खेत आईसकेका छन् ।
संवाददाता । शुक्रबार, भदौ १७, २०७९ मा प्रकाशित